Субсидия беру

Ауыл шаруашылығы саласының 2017 жылғы жұмыс қорытындысы бойынша, жалпы ауыл шаруашылығы өндірісі өнімінің көлемі 16 млрд. 516,8 млн. теңге немесе былтырғы жылмен салыстырғанда 109,2 % құрады.
Өткен жылдың сәйкес кезеңімен салыстырғанда ет 101,9 пайызға, сүт 106,1 пайызға, жұмыртқа 104,2 пайызға өсіп отыр.
Егін шаруашылығы: Өткен жылмен салыстырғанда егіс алқабы 2017 жылы 12 пайызға артты. Ауа райының қолайлылығы астық дақылдарының өнімділігін арттыруға ықпал жасады. Орташа өнімділігі 13,8 ц/га құрап, одан барлығы 125,5 мың тонна астық жиналды.
Есепті жылы картоп және көкөніс өсірумен 5 ЖШС және 14 шаруа қожалығы айналысты. Осы шаруашылықтардың суармалы жерлерінің жалпы алаңы 1543 га құрады. 1000 га жерден (тұрғындарды есепке алғанда) 17 644 тонна картоп жиналды, орташа өнімділігі 176,4 ц/г құрады, 512 га жерден 12 454 тонна көкөніс алынды, өнімділігі 243,2 ц/га.
Қыс мезгілінде мал ұстауға 65 600 тонна шөп дайындалды.
Аудан шаруашылықтары суармалы жерлерді пайдалануды жоспарлы ұлғайтуда. Есепті жылы суармалы жер көлемі 954 га артып, 3159 га құрады. Өткен жылмен салыстырғанда 143,2 пайызға артты.
Аудандағы дәнді дақылдардың тұқымына сұраныс 11217 тоннаны құрайды, оның ішінде бидай 7 689 тонна, арпа 3300 тонна, сұлы 70 тонна, тары 40 тонна және бұршақ (ноқат) 128 тонна. Нақты құйылғаны 11310 тонна тұқым, оның ішінде бидай - 8,360 тонна, арпа - 2,880 тонна, ноқат(нут) -30 тонна және тары 40 тонна. Барлығы жоғары репродукциялардың тұқымдары; супер элита-122т, элита-475т, репродукциялар - 6068т, II репродукциялар - 3123т және III репродукциялар - 1522 тонна.
"Қазагрэкс" АҚ-на толық тексеруден өткізуге 11310 тонна тұқым тапсырылды. Оның ішінде І класты – 10550 т ( 93%), ІІ класты – 760 т (7%).
224 тонна мал азығы және 1 370 тона картоп тұқымы құйылды.
Мал шаруашылығы. Аудан бойынша өткен жылмен салыстырғанда мүйізді ірі қара мал басының саны 103,3 пайызға, оның ішінде: сиыр - 110,9 пайызға, қой мен ешкінің бас саны 101,2 пайызға, жылқы басының саны 111,3 пайызға, шошқа басының саны 105,9 пайызға, құс басының саны 107,9 пайызға өскен.
«Сыбаға» мемлекеттік бағдарламасы бойынша 100 бас сатып алу жоспарланды. Жалпы сомасы 13,0 млн. теңгеге 100 бас мүйізді ірі қара мал сатып алынды.
«Асылжар» ЖШС-нің 20 басқа арналған жобасы Аграрлық Несие Корпорациясы арқылы және «Үміт» НС арқылы «Ақ бота»ШҚ-ның 80 басқа арналған жобасы несиелендірілді. Бағдарлама 100 пайызға орындалып отыр.
«Алтын асық» мемлекеттік бағдарламасы бойынша жоспар 100 бас . «Минжасар» шаруа қожалығы «Елімай» НС арқылы 2,8 млн. теңге несиелендіріліп, 100 бас ұсақ мал алды. Бағдарлама 100 пайызға орындалып отыр.
«Құлан» мемлекеттік бағдарламасы бойынша жоспар 40 бас. «Жаңа тұрмыс» ШҚ «Үміт» НС арқылы 28,5 млн. теңгеге несиелендіріліп, 95 бас байтал мен 8 айғыр сатып алды. 257 пайызға артығымен орындалып отыр.
«Ырыс» мемлекеттік бағдарламасы бойынша жоспардан тыс 44 бас сүтті бағыттағы мал сатып алынды.
Асыл тұқымды ірі қара мал сатып алу бойынша жоспарланған 200 бас ірі қара малынан 204 бас сатып алынып, бағдарлама 102 пайызға орындалды.
Асыл тұқымды қой сатып алу бойынша жоспар 200 бас . Нақты сатып алынғаны 317 бас. Жоспар 158,5 пайызға орындалып отыр.
Асыл тұқымды жылқы сатып алу бойынша 40 бас жоспарланып, 100 пайыз орындалды.
Мал бордақылау алаңдарына 1360 бас бұқашық тапсыру жоспарланып, 2472 бас бұқашық тапсырылды. Жоспар 181,8 пайызға орындалып отыр.
Аудан бойынша 3 құдық қазу жоспарланып, 6 құдық қазылды. Жоспар 2 есеге артық орындалып отыр.
Ауыл шаруашылығы бойынша мәлімет
Мал шаруашылығы: Қазақстан Республикасы Ауыл шаруашылығы министрінің 2017 жылғы 27 қаңтардағы № 30 бұйрығымен «Асыл тұқымды мал шаруашылығын дамытуды, мал шаруашылығының өнімділігін және өнім сапасын арттыруды субсидиялау қағидалары» бекітілді. Аталған қағида бойынша мал шаруашылығы саласында келесідей бағытта субсидиялау қарастырылған:
1) асыл тұқымды мал шаруашылығын дамытуға:
- ірі қара малдың, қойлардың, маралдардың (бұғылардың) аналық басымен, сондай-ақ бал араның ұяларымен селекциялық және асыл тұқымдық жұмыстарды жүргізуге кеткен шығындарды арзандату;
- отандық және шетелдік шаруашылықтардан асыл тұқымды ірі қара мал, қой, ешкі, жылқы, шошқа, түйе, марал (бұғы) төлін сатып алуға кеткен шығындарды арзандату;
- отандық және шетелдік шаруашылықтардан ет және жұмыртқа бағытындағы құстардың ата-енелік/ата-тектік нысандағы асыл тұқымды тәуліктік балапанын сатып алуға кеткен шығындарды арзандату;
- жеке және заңды тұлғалардың табынның өсімін молайтуға пайдаланылатын етті, сүтті және сүтті-етті тұқымдардың асыл тұқымды тұқымдық бұқаларын күтіп-бағуға кеткен шығындарын арзандату;
2) мал шаруашылығы өнiмдiлiгi мен өнiм сапасын арттыруға:
- бұқашықтарды бордақылау, қозы етін, шошқа етiн, жылқы етiн, түйе етін, құс етiн (бройлер, күрке тауық, суда жүзетін құс етін), тағамдық жұмыртқа (тауық және бөдене жұмыртқасы), сүт (сиыр, бие, түйе, ешкі сүті), биязы жүнді және жартылай биязы жүнді өндіру құнын арзандату;
- құрама жем өндіретін зауыттар өндірген және ауыл шаруашылығы кооперативтеріне сатылған құрама жем құнын арзандату;
- ауыл шаруашылығы жануарларының азығына кеткен шығындар құнының 50 %-ға дейінгі мөлшерін өтеу.
Бүгінгі күнге, облыстық ауыл шаруашылғы басқармасына отандық және шетелдік шаруашылықтардан асыл тұқымды ірі қара мал төлін сатып алуға кеткен шығындарды арзандату бағыты бойынша барлығы 13 487 млн тг болатын 2 өтінім және сүт өндіру бағыты бойынша барлығы 974 мың тг болатын 2 өтінім беріліп, мақұлданды. Тұқымдық түрлендіру бағыты бойынша жұмыстар жүргізілуде.
Егіншілік: Егіншілік саласы бойынша келесі бағыттырда субсидиялау қарастырылған:
- Өсiмдiктердi қорғау мақсатында ауыл шаруашылығы дақылдарын өңдеуге арналған гербицидтердiң, биоагенттердiң (энтомофагтардың) және биопрепараттардың құнын субсидиялау.
- Тұқым шаруашылығын дамытуды субсидиялау.
- Басым дақылдар өндiрудi субсидиялау арқылы өсiмдiк шаруашылығыныңшығымдылығын және өнім сапасын арттыруды, жанар-жағармай материалдарының және көктемгi егіспен егiн жинау жұмыстарын жүргiзу үшін қажеттi басқа да тауарлық-материалдық құндылықтардың құнын және ауыл шаруашылығы дақылдарын қорғалған топырақта өңдеп өсіру шығындарының құнын субсидиялау.
- Тыңайтқыштардың құнын (органикалық тыңайтқыштарды қоспағанда) субсидиялау.